النائب اسلام قرطام فى جولة ميدانية جولة ميدانية في البساتين لمتابعة عدد من الملفات المهمة على أرض الواقع،.
النهاردة نزلت جولة ميدانية في البساتين لمتابعة عدد من الملفات المهمة على أرض الواقع،.
بدأنا بزيارة المركز الطبي بالبساتين غرب، وكان لقاء مباشر وصريح مع الدكتورة كوثر شوقي مديرة المركز. اتكلمنا عن المشاكل والتحديات اللي بتواجه المنظومة الصحية هناك، وفي نقاط اتفقنا على حلول عاجلة ليها، ونقاط تانية هنشتغل عليها بشكل مؤسسي وبالتنسيق مع الجهات المختصة، لأن صحة المواطن خط أحمر.
بعد كده توجهنا لـ دار مناسبات البساتين في لقاء ودي مع الحاج سمير فوزي غالي والمهندس محمد عبده نصر الله، وناقشنا عدد من الملفات الخدمية اللي تهم أهالي المنطقة.
وخلال الجولة زرنا موقع مناولة القمامة بمنطقة بئر أم سلطان، والحقيقة الوضع هناك غير مقبول تمامًا. تكدس القمامة وسط كتلة سكنية كبيرة خطر على الصحة العامة ولا يمكن السكوت عليه. الموضوع ده تم طرحه أكتر من مرة قبل كده، وإن شاء الله هيكون في تحرك جاد وحل جذري قريب بالتعاون مع الحي والجهات المعنية.
كما تفقدنا مشكلة انسداد الصرف الصحي المستمرة بمنطقة بئر أم سلطان، واللي تسببت في أضرار جسيمة للأهالي، من تعطيل طرق، لتأثر مسجد ومحلات، في مشهد لا يليق بأهل البساتين. وبعد المعاينة، اتضح إن جزء كبير من المشكلة سببه إلقاء مخلفات مصانع في شبكة الصرف، وده أمر مرفوض تمامًا. علشان كده، هنتحرك فورًا لمراجعة أوضاع المصانع دي، والتأكد من التزامها بصرف صناعي مخصص، بالإضافة لإرسال خطاب رسمي لوزارة البيئة لاتخاذ اللازم.
وأنهينا الجولة بزيارة مركز شباب البساتين والاطلاع على المنشآت الرياضية، ومقابلة أبطال تنس الطاولة مع الكابتن خالد حسن،
و لقاء فريق العمل
مركز شباب صقر قريش للوقوف على احتياجات التطوير المطلوبة. لأن دعم الشباب والرياضة مش رفاهية، ده استثمار حقيقي في المستقبل.
اللي شوفته النهاردة أكدلي أكتر إن الشغل على الأرض، والسماع للناس، والمتابعة المستمرة هما الطريق الوحيد لأي حل حقيقي. وإن شاء الله نكمل خطوة خطوة، كف في كف، لمصلحة أهل البساتين.
#البساتين
#جولة_ميدانية
#على_أرض_الواقع
#كف_ف_كف_لا_خوف_ولا_ضعف
Share this content:
إرسال التعليق
يجب أنت تكون مسجل الدخول لتضيف تعليقاً.